సెకండ్ ఇన్నింగ్స్‌లో శ్రీదేవి విజయ్ కుమార్ స్టేట్‌మెంట్

టాలీవుడ్ సీనియర్ నటి శ్రీదేవి విజయ్ కుమార్ 1992లో వచ్చిన ‘రిక్షా మామ’ తమిళ చిత్రంతో సినీ రంగ ప్రవేశం చేసింది. ఆ తర్వాత చాలా కాలం పాటు తమిళ చిత్రాల్లో నటించి, 1997లో ‘రుక్మిణి’ సినిమాతో తెలుగు ప్రేక్షకులకు పరిచయం అయ్యింది. ఆ సినిమా పెద్దగా గుర్తింపు తీసుకురాకపోయినా, ప్రభాస్ హీరోగా వచ్చిన ‘ఈశ్వర్’ చిత్రంతో ఆమెకు మంచి గుర్తింపు లభించింది. ఆ తర్వాత అనేక టాలీవుడ్ సినిమాల్లో నటించి తనకంటూ ప్రత్యేక గుర్తింపు సంపాదించుకుంది.

కొంతకాలం విరామం తర్వాత ఈమె సెకండ్ ఇన్నింగ్స్ ప్రారంభించి, ఇటీవల నారా రోహిత్ నటించిన ‘సుందరకాండ’ చిత్రంలో కీలక పాత్రలో నటించి ప్రశంసలు అందుకుంది. తాజాగా ఇచ్చిన ఇంటర్వ్యూలో తనకు ఇష్టమైన యువ హీరోగా విజయ్ దేవరకొండను పేర్కొంది. అతని నటన ఎంతో నచ్చుతుందని, కాలానుగుణంగా తనకు ఇష్టమైన హీరోలు మారుతూ ఉంటారని, ప్రస్తుతం మాత్రం విజయ్ దేవరకొండ తన ఫేవరెట్ అని వెల్లడించింది.