సీఎం రేవంత్ రెడ్డికి రాజాసింగ్ సంచలన లేఖ..

గోషామహల్ ఎమ్మెల్యే రాజాసింగ్ తెలంగాణ ముఖ్యమంత్రి రేవంత్ రెడ్డికి లేఖ రాశారు. మాజీ హైదరాబాద్ పోలీస్ కమిషనర్ వీసీ సజ్జనార్ హయాంలో జరిగినట్లు ఆరోపణలు వస్తున్న అవకతవకలపై స్వతంత్ర విచారణ జరిపించాలని కోరారు. ఈ వ్యవహారంపై సీబీఐతో దర్యాప్తు చేయించాలని లేదా జ్యుడీషియల్ విచారణకు ఆదేశించాలని తన లేఖలో విజ్ఞప్తి చేసినట్లు సమాచారం.

గోల్డ్ తెఫ్ట్ కేసులో ఇప్పటివరకు ఎలాంటి పురోగతి కనిపించడం లేదని, నిందితుల అరెస్టులు ఎందుకు జరగలేదని రాజాసింగ్ ప్రశ్నించారు. హామ్ వే కేసు దర్యాప్తు కూడా నత్తనడకన సాగుతోందని, జాప్యానికి కారణాలేంటని నిలదీశారు. జనార్ధన్‌కు సంబంధించిన ట్వీట్ తర్వాత సజ్జనార్ వ్యవహరించిన తీరుపై మరిన్ని అనుమానాలు వ్యక్తమవుతున్నాయని పేర్కొంటూ, ఈ అంశాలన్నింటిపై నిష్పక్షపాతంగా విచారణ జరిపించాలని ముఖ్యమంత్రిని కోరారు.