శ్రీకాంత్ చేతుల మీదుగా ‘ఒక్క చూపుతో మొదలైన...’ట్రైలర్ విడుదల

శివ చౌదరి, జశ్విక హీరో హీరోయిన్లుగా నటిస్తున్న ‘ఒక్క చూపుతో మొదలైన...’ చిత్రానికి నూతలపాటి చెంచయ్య దర్శకత్వం వహిస్తుండగా, బిందు సారధి నిర్మిస్తున్నారు. ఈ సినిమా ట్రైలర్‌ను ప్రముఖ నటులు శ్రీకాంత్, శివాజీ రాజా ఆవిష్కరించారు. ట్రైలర్ విడుదల కార్యక్రమంలో చిత్రబృందం పాల్గొని సినిమా విశేషాలను పంచుకుంది.

ఈ సందర్భంగా నటుడు శ్రీకాంత్ మాట్లాడుతూ, ట్రైలర్ చూస్తుంటే సినిమా అన్ని వర్గాల ప్రేక్షకులను ఆకట్టుకునే అంశాలతో రూపొందినట్లు కనిపిస్తోందన్నారు. ప్రస్తుతం వస్తున్న సినిమాలకు భిన్నంగా ఈ చిత్రం ఉండబోతుందని పేర్కొన్నారు. దర్శకుడు చెంచయ్య, నిర్మాత బిందు సారధి మాట్లాడుతూ, మంచి కథాంశం మరియు భావోద్వేగాలతో కూడిన చిత్రంగా దీనిని తెరకెక్కించినట్లు తెలిపారు. ట్రైలర్ ప్రేక్షకుల్లో సినిమాపై ఆసక్తిని పెంచుతోంది.