హీరోయిన్లపై వివక్ష.. తాప్సీ సంచలన వ్యాఖ్యలు

తాప్సీ పన్ను తన అభిప్రాయాలను నిర్మొహమాటంగా చెప్పే కథానాయికగా గుర్తింపు తెచ్చుకుంది. తాజాగా సినీ పరిశ్రమలో హీరోయిన్ల పట్ల చూపించే వివక్షపై ఆమె మాట్లాడింది. షూటింగ్‌ సమయంలో హీరోయిన్లు హీరోల కంటే కొన్ని గంటల ముందే సెట్స్‌కు రావాల్సి ఉంటుందని, అయితే వారికి కల్పించే వసతులు మాత్రం అంతగా ఉండవని చెప్పింది.

కెరీర్‌ ప్రారంభంలో ఎదురైన ఓ సంఘటనను కూడా తాప్సీ పంచుకుంది. ఓ సినిమాలో తన కోసం భారీ స్థాయిలో ఇంట్రడక్షన్‌ సీన్‌ను చిత్రీకరించారని, కానీ తర్వాత దాన్ని పూర్తిగా తొలగించారని తెలిపింది. హీరో అభ్యంతరం చెప్పడంతోనే ఆ సీన్‌ను తీసేశారని దర్శకుడి ద్వారా తెలిసిందని పేర్కొంది. మరో సందర్భంలో తాను మార్చేందుకు అంగీకరించని ఓ డైలాగ్‌ను అవసరమైతే మ్యూట్‌ చేయాలని చెప్పినప్పటికీ, థియేటర్లలో విడుదలైన సమయంలో ఆ డైలాగ్‌ను మార్చి వేరే డబ్బింగ్‌ ఆర్టిస్ట్‌తో చెప్పించారని వెల్లడించింది. ఇలాంటి అనుభవాలు పరిశ్రమలో హీరోయిన్లు ఎదుర్కొంటున్న వివక్షకు ఉదాహరణలని తాప్సీ పేర్కొంది.