పెళ్లిపై త్రిష కామెంట్స్

దక్షిణాది సినీ పరిశ్రమలో రెండు దశాబ్దాలుగా స్టార్ హీరోయిన్‌గా కొనసాగుతున్న త్రిష తాజాగా తన వివాహం, వ్యక్తిగత జీవితంపై ఆసక్తికర వ్యాఖ్యలు చేశారు. 40 ఏళ్లు దాటినా ఇప్పటికీ అవివాహితగా ఉన్న ఆమె, పెళ్లిని ఒక ఆటగా చూడనని స్పష్టం చేశారు. ఒకవేళ పెళ్లి చేసుకుంటే జీవితాంతం కలిసి ఉండే వ్యక్తినే వివాహం చేసుకుంటానని తెలిపారు.

తన స్నేహితుల్లో చాలామంది వివాహాల తర్వాత మానసికంగా ఇబ్బందులు ఎదుర్కొంటున్నారని త్రిష పేర్కొన్నారు. కేవలం సమాజం కోసం లేదా వయసు కారణంగా పెళ్లి చేసుకోనని చెప్పారు. తనకు సరిపోయే వ్యక్తి దొరికినప్పుడే వివాహం చేసుకుంటానని, అలాంటి వ్యక్తి దొరకకపోతే జీవితాంతం ఒంటరిగా ఉండేందుకు కూడా సిద్ధమని ఆమె వెల్లడించారు. ప్రస్తుతం ఆమె వ్యాఖ్యలు సామాజిక మాధ్యమాల్లో వైరల్‌గా మారాయి.