అజిత్ పై ట్రోలింగ్?

లండన్‌లో జరిగిన రేసింగ్‌ ఈవెంట్‌లో అజిత్‌ కుమార్‌ 44వ స్థానంలో నిలవడం, సాంకేతిక లోపం కారణంగా ఆయనకు అనుకున్న ఫలితం రాకపోవడం ప్రస్తుతం సోషల్‌ మీడియాలో చర్చకు దారితీసింది. దీనికి తోడు ఇటీవల అభిమానులతో అజిత్‌ మాట్లాడిన కొన్ని వీడియోలు వైరల్‌ కావడంతో ట్రోలింగ్‌ మరింత పెరిగింది. రేసింగ్‌లో అనుకున్న ఫలితం రాకపోవడం సహజమేనని, ఒక్క రేసు ఫలితాన్ని ఆధారంగా చేసుకుని అజిత్‌ను విమర్శించడం సరికాదని పలువురు అభిప్రాయపడుతున్నారు.

సినీ కెరీర్‌తో పాటు తనకు ఎంతో ఇష్టమైన మోటార్‌ స్పోర్ట్స్‌ను కొనసాగిస్తున్న అజిత్‌ కుమార్‌ అంకితభావాన్ని అభిమానులు ప్రశంసిస్తున్నారు. రేసింగ్‌పై ఆయన చూపిస్తున్న ఆసక్తి, ఓటమిని ఎదుర్కొన్నా తన ప్రయాణాన్ని కొనసాగిస్తున్న తీరు గౌరవించాల్సిన విషయమని చెబుతున్నారు. ఒక్క రేసు ఫలితం లేదా ఆ సమయంలో కనిపించిన అసహనం ఆధారంగా ఆయన కలను లక్ష్యంగా చేసుకుని ఎగతాళి చేయడం సరికాదనే అభిప్రాయం బలంగా వినిపిస్తోంది.