‘వృషకర్మ’ విడుదల తేదీ ఖరారు

నాగచైతన్య కథానాయకుడిగా కార్తీక్‌ దండు దర్శకత్వంలో తెరకెక్కుతున్న చిత్రం ‘వృషకర్మ’. బీవీఎస్‌ఎన్‌ ప్రసాద్‌, సుకుమార్‌ సంయుక్తంగా నిర్మిస్తున్న ఈ సినిమాలో మీనాక్షి చౌదరి కథానాయికగా నటిస్తున్నారు. స్పర్ష్‌ శ్రీవాస్తవ, జయరామ్‌ తదితరులు కీలక పాత్రలు పోషిస్తున్నారు. దాదాపు చిత్రీకరణ పూర్తి చేసుకున్న ఈ సినిమాను డిసెంబర్‌ 4న విడుదల చేయనున్నట్లు చిత్ర బృందం గురువారం ప్రకటించింది.

పురాణ అంశాలను మిస్టిక్‌ హారర్‌ థ్రిల్లర్‌ కథాంశంతో మేళవించిన ఈ చిత్రంలో నాగచైతన్య నిధి అన్వేషకుడిగా కనిపించనున్నారు. ఆసక్తికరమైన కథాంశంతో రూపొందుతున్న ఈ సినిమాకు అజనీష్‌ లోక్‌నాథ్‌ సంగీతం అందిస్తున్నారు. విడుదల తేదీ ప్రకటనతో సినిమాపై అంచనాలు మరింత పెరిగాయి.