ఓటీటీలోకి స్ట్రీమింగ్‌కు వచ్చిన ‘చెన్నై లవ్ స్టోరీ’

కిరణ్ అబ్బవరం, శ్రీ గౌరీ ప్రియ జంటగా రవి నంబూరి దర్శకత్వంలో తెరకెక్కిన ప్రేమకథా చిత్రం ‘చెన్నై లవ్ స్టోరీ’ బాక్సాఫీస్ వద్ద మంచి విజయాన్ని అందుకుంది. ప్రముఖ దర్శకుడు, రచయిత సాయి రాజేష్ కథ అందించిన ఈ సినిమా.. కిరణ్ అబ్బవరం కెరీర్‌లో అత్యధిక వసూళ్లు సాధించిన చిత్రంగా నిలిచింది. మణిశర్మ సంగీతం అందించిన ఈ సినిమాను సాయి రాజేష్, ఎస్‌కేఎన్ నిర్మించారు.

తాజాగా ఈ చిత్రం ఓటీటీలోకి అడుగుపెట్టింది. ప్రముఖ స్ట్రీమింగ్‌ సంస్థ సోనీ లివ్ డిజిటల్ హక్కులను సొంతం చేసుకోగా, నేటి నుంచి సినిమా స్ట్రీమింగ్‌కు అందుబాటులోకి వచ్చింది. తెలుగు సహా పాన్‌ ఇండియా భాషల్లో ఈ చిత్రాన్ని వీక్షించవచ్చు. థియేటర్లలో సినిమాను మిస్‌ అయిన ప్రేక్షకులు ఇప్పుడు ఓటీటీలో ఈ ప్రేమకథను చూసే అవకాశం ఉంది.