ఓటీటీలోకి ధనుష్ తండ్రి కస్తూరి రాజా ‘హబీబీ’.. స్ట్రీమింగ్ ఎప్పటి నుంచంటే!

ధనుష్ తండ్రి, నటుడు కస్తూరి రాజా ప్రధాన పాత్రలో నటించిన పీరియాడికల్ రొమాంటిక్ డ్రామా ‘హబీబీ’ ఓటీటీ విడుదలకు సిద్ధమైంది. జూన్ 12న థియేటర్లలో విడుదలైన ఈ సినిమా సెప్టెంబర్ 25 నుంచి సోనీ లివ్‌లో స్ట్రీమింగ్ కానుంది. తమిళంతో పాటు తెలుగులోనూ ఈ మూవీ అందుబాటులోకి రానుంది. దీంతో థియేటర్లలో సినిమాను మిస్ అయిన ప్రేక్షకులు ఇప్పుడు ఓటీటీలో వీక్షించే అవకాశం లభించనుంది.

మీరా కతివరన్ దర్శకత్వం వహించిన ఈ చిత్రానికి విఎస్ మొహమ్మద్ కథ అందించారు. ఇందులో కస్తూరి రాజా యూసుఫ్ అనే చేనేత కార్మికుడి పాత్రలో కనిపించారు. మాళవికా మనోజ్, ధనశ్రీ సుధాకరన్, అరుళ్ కుమార్, అనుశ్రేయా రాజన్ తదితరులు కీలక పాత్రలు పోషించారు. పీరియాడికల్ నేపథ్యంలోని ఈ ప్రేమకథలో అప్పటి జీవన విధానం, ప్రేమ, భావోద్వేగాలను ప్రధానంగా చూపించారు. సెప్టెంబర్ 25 నుంచి ఓటీటీలో అందుబాటులోకి రానుండటంతో ఈ సినిమాపై ప్రేక్షకుల్లో ఆసక్తి నెలకొంది.