మైత్రీ మూవీ మేకర్స్ హారర్ మూవీకి ఓటీటీ డేట్ ఫిక్స్?

సెన్సేషనల్ డైరెక్టర్ ప్రశాంత్ నీల్ సమర్పణలో తెరకెక్కిన తాజా హారర్ మూవీ 418 అక్టోబర్ 23న థియేటర్లలో విడుదలైంది. యువ దర్శకుడు కీర్తన్ నాదగౌడ దర్శకత్వం వహించిన ఈ చిత్రంలో సూర్య రాజ్, చరణ్ లక్కరాజు, ప్రీతి పగడాల, చైత్ర ఆచార్ ప్రధాన పాత్రల్లో నటించారు. వెంకీ జీజీ అందించిన నేపథ్య సంగీతం ప్రేక్షకులను భయపెట్టేలా ఉండగా, టాలీవుడ్ ప్రముఖ నిర్మాణ సంస్థ మైత్రీ మూవీ మేకర్స్ ఈ సినిమాను నిర్మించింది. విడుదలకు ముందు మంచి అంచనాలు ఏర్పడినప్పటికీ, థియేటర్లలో ఈ చిత్రానికి మిక్స్‌డ్ టాక్ లభించింది.

ఇక థియేట్రికల్ రన్ పూర్తి చేసుకున్న ఈ హారర్ మూవీ డిజిటల్ స్ట్రీమింగ్‌కు సిద్ధమవుతున్నట్లు సమాచారం. ఈ సినిమా ఓటీటీ హక్కులను ప్రముఖ స్ట్రీమింగ్ సంస్థ నెట్‌ఫ్లిక్స్ సొంతం చేసుకున్నట్లు తెలుస్తోంది. నవంబర్ 20 నుంచి 418 నెట్‌ఫ్లిక్స్‌లో స్ట్రీమింగ్ కానున్నట్లు ప్రచారం జరుగుతోంది. అయితే, ఈ ఓటీటీ విడుదల తేదీపై చిత్ర బృందం నుంచి అధికారిక ప్రకటన రావాల్సి ఉంది. థియేటర్లలో సినిమా చూడలేకపోయిన ప్రేక్షకులు ఓటీటీలో చూసేందుకు ఆసక్తిగా ఎదురుచూస్తున్నారు.