దానం నాగేందర్‌ తీర్పు ఫిరాయింపు పార్టీలకు గుణపాఠం - కే. నారాయణ

దానం నాగేందర్‌ అనర్హతపై కోర్టు తీర్పును కేవలం ఒక వ్యక్తికి వ్యతిరేకంగా వచ్చిన తీర్పుగా చూడకూడదని సీపీఐ నేత కే. నారాయణ అన్నారు. తెలంగాణ హైకోర్టు ఇచ్చిన అనర్హత తీర్పును సుప్రీంకోర్టు గురువారం సమర్థించిన నేపథ్యంలో, పార్టీ ఫిరాయింపులను ప్రోత్సహించే రాజకీయ పార్టీలకు కూడా ఈ తీర్పు గుణపాఠంగా ఉండాలని ఆయన పేర్కొన్నారు.

ఈ తీర్పుపై బీజేపీ సంబరాలు చేసుకోవడాన్ని నారాయణ ప్రశ్నించారు. ఫిరాయింపుల విషయంలో ప్రధాన రాజకీయ పార్టీలు తమ వైఖరిపై ఆత్మపరిశీలన చేసుకోవాలని అన్నారు. తెలంగాణలో బీఆర్‌ఎస్‌ నుంచి కాంగ్రెస్‌లోకి జరిగిన ఫిరాయింపులను ప్రస్తావిస్తూ, ఈ అంశాన్ని ప్రజాస్వామ్య వ్యవస్థలను పరిరక్షించే విస్తృత దృష్టితో చూడాలని సూచించారు. పార్టీ ఫిరాయింపులకు శాశ్వతంగా అడ్డుకట్ట పడేలా చట్టాలను మరింత కఠినతరం చేయాలని నారాయణ కోరారు.