హరీశ్ రావు అరెస్ట్‌తో వరంగల్‌లో హైటెన్షన్!

మాజీ మంత్రి హరీశ్ రావును పోలీసులు అదుపులోకి తీసుకుని సుబేదారి పోలీస్ స్టేషన్‌కు తరలించారు. ఆయనతో పాటు వరంగల్ జిల్లాకు చెందిన పలువురు బీఆర్ఎస్ ముఖ్య నాయకులను కూడా అదుపులోకి తీసుకున్నట్లు సమాచారం. అరెస్ట్ విషయం తెలియడంతో ఉమ్మడి వరంగల్ జిల్లా నుంచి పెద్ద సంఖ్యలో బీఆర్ఎస్ నాయకులు, కార్యకర్తలు సుబేదారి పోలీస్ స్టేషన్‌కు చేరుకున్నారు. దీంతో పోలీస్ స్టేషన్ పరిసరాల్లో ఉద్రిక్త వాతావరణం నెలకొంది.

పోలీసుల చర్యలు, కాంగ్రెస్ ప్రభుత్వానికి వ్యతిరేకంగా బీఆర్ఎస్ శ్రేణులు నినాదాలు చేశాయి. స్టేషన్ ఎదుట బైఠాయించి హరీశ్ రావు, ఇతర నాయకులను వెంటనే విడుదల చేయాలని డిమాండ్ చేశాయి. ముఖ్యమంత్రికి వ్యతిరేకంగా కూడా నినాదాలు చేస్తూ తమ నిరసనను కొనసాగించాయి. హరీశ్ రావును, పార్టీ నాయకులను అక్రమంగా అరెస్ట్ చేశారని ఆరోపించిన బీఆర్ఎస్, వారిని తక్షణమే విడుదల చేయాలని డిమాండ్ చేసింది.