హర్మూజ్ జలసంధిపై ఇరాన్ పట్టు: అమెరికా ఇంటెలిజెన్స్

పశ్చిమాసియా సంక్షోభం, అమెరికాతో కాల్పుల విరమణ నేపథ్యంలో ఇరాన్ హర్మూజ్ జలసంధిపై (స్ట్రైట్ ఆఫ్ హర్మూజ్) పూర్తి స్థాయి పట్టు సాధించిందని అమెరికా ఇంటెలిజెన్స్ నివేదికలు వెల్లడించినట్లు సమాచారం. ప్రపంచ చమురు రవాణాకు కీలకమైన ఈ మార్గాన్ని ఇరాన్ తన ఇష్టానుసారం మూసివేయగల సామర్థ్యం పొందిందని అమెరికా మీడియా కథనాలు చెబుతున్నాయి.

గల్ఫ్ దేశాల ఇంధన మౌలిక సదుపాయాలపై దాడులను వ్యూహాత్మకంగా ఉపయోగించుకోవడం ద్వారా ఇరాన్ తన ప్రభావాన్ని పెంచుకుందని నివేదికలు పేర్కొన్నాయి. ఈ జలసంధి నియంత్రణ అణ్వాయుధం కంటే శక్తివంతమని అమెరికా వర్గాలు హెచ్చరించాయి. అమెరికా ఉపాధ్యక్షుడు జేడీ వాన్స్ మాట్లాడుతూ ఇరాన్ వద్ద అణ్వాయుధం ఉండకూడదని, హర్మూజ్ జలసంధి ఎప్పుడూ తెరిచి ఉండాలని అన్నారు.