యూఎన్‌ వేదికగా నెతన్యాహు వర్సెస్‌ మమ్దానీ..

అమెరికా పర్యటనలో ఉన్న ఇజ్రాయెల్‌ ప్రధాని బెంజమిన్‌ నెతన్యాహు.. న్యూయార్క్‌ మేయర్‌ జోహ్రాన్‌ మమ్దానీపై ఐక్యరాజ్యసమితి సర్వప్రతినిధి సభ వేదికగా తీవ్ర వ్యాఖ్యలు చేశారు. న్యూయార్క్‌కు తన రాకను అడ్డుకునేందుకు మమ్దానీ ప్రయత్నించారని, తన గొంతును అణచివేయాలని చూశారని నెతన్యాహు ఆరోపించారు. మమ్దానీ సతీమణి రామా దువాజీ గతంలో అక్టోబర్‌ 7, 2023నాటి హమాస్‌ దాడికి సంబంధించిన కొన్ని సోషల్‌ మీడియా పోస్టులను ‘లైక్‌’ చేసినట్లు వచ్చిన వార్తలను కూడా ఆయన ప్రస్తావించారు. అయితే మమ్దానీ గతంలో తన భార్య వ్యక్తిగత వ్యక్తి అని, తన పరిపాలనలో ఆమెకు అధికారిక పాత్ర లేదని పేర్కొన్నారు.

నెతన్యాహు వ్యాఖ్యలను మమ్దానీ ఖండించారు. గాజాలో యుద్ధంపై ఇజ్రాయెల్‌ చర్యలను సమర్థించుకునేందుకు నెతన్యాహు అసత్య ఆరోపణలు చేస్తున్నారని ఆయన విమర్శించారు. దాదాపు 40 నిమిషాల పాటు సాగిన ప్రసంగంలో నెతన్యాహు ఇజ్రాయెల్‌ సైనిక చర్యలను సమర్థించడంతో పాటు హెజ్బొల్లాను ప్రస్తావిస్తూ పేజర్‌ను ప్రదర్శించారు. నెతన్యాహు ప్రసంగం ప్రారంభమైన సమయంలో పలువురు దేశాల ప్రతినిధులు సభ నుంచి వాకౌట్‌ చేశారు. దీంతో సభ నుంచి వెళ్లిపోయిన ప్రతినిధులపై నెతన్యాహు విమర్శలు చేశారు.