నర్సంపేటలో పెద్ది సుదర్శన్‌రెడ్డి విగ్రహ గద్దె కూల్చివేత

వరంగల్‌ జిల్లా నర్సంపేటలో దివంగత నేత, మాజీ ఎమ్మెల్యే పెద్ది సుదర్శన్‌రెడ్డి విగ్రహ ఏర్పాటుకు నిర్మించిన గద్దెను మున్సిపల్‌ సిబ్బంది కూల్చివేశారు. ప్రభుత్వ మెడికల్‌ కాలేజీ ఎదురుగా ఈ గద్దెను నిర్మించారు. విగ్రహ ఏర్పాటుకు మున్సిపాలిటీ నుంచి అనుమతి తీసుకోలేదని అధికారులు పేర్కొంటూ చర్యలు చేపట్టినట్లు సమాచారం. రాత్రి సమయంలో మున్సిపల్‌ సిబ్బంది గద్దెను తొలగించారు.

విగ్రహాన్ని ప్రైవేట్‌ స్థలంలో ఏర్పాటు చేస్తున్నప్పటికీ అనుమతి లేదనే కారణంతో అధికారులు గద్దెను కూల్చివేశారని స్థానికులు, పెద్ది సుదర్శన్‌రెడ్డి అనుచరులు ఆరోపిస్తున్నారు. ఈ ఘటనపై రాజకీయ వర్గాల్లో చర్చకు దారితీసింది. అనుమతుల విషయంలో నిబంధనల ప్రకారమే చర్యలు తీసుకున్నామని మున్సిపల్‌ అధికారులు చెబుతున్నారు.