అదానీతో డీకే శివకుమార్ భేటీ..విమర్శలపై ప్రియాంక్ ఖర్గే కౌంటర్

కర్ణాటక ముఖ్యమంత్రి డీకే శివకుమార్ పారిశ్రామికవేత్త గౌతమ్ అదానీతో భేటీ కావడంపై బీజేపీ విమర్శలు చేస్తున్న నేపథ్యంలో రాష్ట్ర హోంమంత్రి ప్రియాంక్ ఖర్గే స్పందించారు. ప్రభుత్వ ప్రాజెక్టుల విషయంలో అదానీని ఇతర కాంట్రాక్టర్ల మాదిరిగానే చూడాలని ఆయన అన్నారు. వ్యక్తిగత లేదా రాజకీయ అభిప్రాయాలు చట్టబద్ధమైన టెండర్ ప్రక్రియపై ప్రభావం చూపకూడదని స్పష్టం చేశారు.

కొన్ని ప్రాజెక్టుల టెండర్లలో అదానీ సంస్థ ఎల్1 (అత్యల్ప బిడ్డర్)గా నిలిచిందని ప్రియాంక్ ఖర్గే తెలిపారు. చట్టప్రకారం అభివృద్ధి పనులను పూర్తి చేయడమే ప్రభుత్వ ప్రాధాన్యత అని చెప్పారు. బెంగళూరు టన్నెల్ రోడ్ ప్రాజెక్టు టెండర్‌ను అదానీ సంస్థ దక్కించుకున్న నేపథ్యంలో బీజేపీ వైఖరిని కూడా ఆయన ప్రశ్నించారు. టెండర్ నిబంధనలకు అర్హత ఉన్న ఏ కంపెనీ అయినా ప్రభుత్వ టెండర్లలో పాల్గొనకుండా అడ్డుకోలేమని పేర్కొన్నారు.