మౌలానా అబుల్ కలాం ఆజాద్‌కు వైఎస్‌ జగన్‌ ఘన నివాళి

భారతరత్న మౌలానా అబుల్‌ కలాం ఆజాద్‌ జయంతి సందర్భంగా వైఎస్సార్‌సీపీ అధినేత వైఎస్‌ జగన్‌మోహన్‌ రెడ్డి ఆయనకు ఘన నివాళులు అర్పించారు. భారత స్వాతంత్ర్య సమరయోధుడిగా, దేశ తొలి విద్యాశాఖ మంత్రిగా ఆజాద్‌ అందించిన సేవలను గుర్తుచేసుకున్నారు. ప్రతి ఒక్కరికీ విద్య అందుబాటులో ఉండేలా జీవితాంతం కృషి చేసిన గొప్ప దార్శనికుడని కొనియాడారు.

విద్య ద్వారానే సమాజంలో సమానత్వం సాధ్యమని ఆజాద్‌ విశ్వసించారని జగన్‌ పేర్కొన్నారు. దేశ ప్రగతికి, భావితరాల ఉజ్వల భవిష్యత్తుకు ఆయన బలమైన పునాదులు వేశారని గుర్తుచేశారు. జాతీయ విద్యా దినోత్సవం, మైనార్టీ సంక్షేమ దినోత్సవం సందర్భంగా ప్రజలందరికీ శుభాకాంక్షలు తెలిపారు.