బిగ్‌బాస్ డే 17 ప్రోమో 2.. అమన్, వర్షిణి మధ్య హైటెన్షన్ టాస్క్

‘బిగ్ బాస్ తెలుగు 10’ మూడో వారం కెప్టెన్సీ టాస్కులు ఆసక్తికరంగా సాగుతున్నాయి. తాజాగా విడుదలైన డే 17 ప్రోమో 2లో అమన్, వర్షిణి మధ్య జరిగిన టాస్క్ హాట్ టాపిక్‌గా మారింది. స్విమ్మింగ్ పూల్‌లోని మూటలను తీసుకొచ్చి తమకు కేటాయించిన ప్రాంతాల్లో వేయాల్సిన టాస్కులో ఇద్దరూ పోటీపడ్డారు. మూటలను దక్కించుకునే క్రమంలో వర్షిణి, అమన్‌ను పట్టుకోగా.. అమన్ కూడా వాటిని వదలకుండా గట్టిగా పట్టుకున్నాడు. ఈ క్రమంలో ఇద్దరి మధ్య ఫిజికల్ కాంటాక్ట్ ఎక్కువగా కనిపించడంతో సంచాలక్ ముఖేష్ జోక్యం చేసుకుని జాగ్రత్తగా ఆడాలని సూచించాడు.

ఇక అంతకుముందు జరిగిన టాస్కులో ముఖేష్, రోహిత్ పోటీపడగా.. ముఖేష్ విజయం సాధించి కెప్టెన్సీ కంటెండర్‌గా నిలిచాడు. అనంతరం ఇంటి నుంచి వచ్చిన ఫొటో ఫ్రేమ్‌ను పొందిన ముఖేష్‌కు బదులుగా దేబ్జానీకి టెన్షన్ ఎదురైంది. కెప్టెన్సీ కంటెండర్‌గా ఆమెను అడ్డుకోవడంతో పాటు ఇంటి నుంచి వచ్చిన లేఖను ముక్కలు చేయాలనే నిర్ణయం తీసుకున్నాడు. మరోవైపు ప్రోమోలో రోహిత్, దేబ్జానీ, నరేష్, రామ్ ప్రసాద్ కలిసి చేసిన కామెడీ స్కిట్ ఆకట్టుకుంది. అమన్, వర్షిణి మధ్య జరిగిన టాస్క్‌పై నాగార్జున ఎలా స్పందిస్తారనేది ఆసక్తికరంగా మారింది. ఈ టాస్కులో కెప్టెన్సీ కంటెండర్‌గా ఎవరు నిలుస్తారో ఎపిసోడ్‌లో తేలనుంది.