బిగ్ బాస్ ఫేమ్ ప్రియకు ఏమైంది?.. సోషల్ మీడియాలో ఎమోషనల్ పోస్ట్

బిగ్ బాస్ తెలుగు ఫేమ్ ప్రియ కాలికి గాయమైంది. ప్రస్తుతం ఆమె బెడ్ రెస్ట్ తీసుకుంటున్నారు. మంచంపై విశ్రాంతి తీసుకుంటున్న ఫొటోను సోషల్ మీడియాలో షేర్ చేసిన ప్రియ.. తన కాలికి గాయం అయిన విషయాన్ని వెల్లడించారు. అయితే ఈ గాయం ఎలా జరిగింది? అసలు ఏం జరిగిందనే వివరాలను మాత్రం ఆమె వెల్లడించలేదు. గాయం కారణంగా కొంతకాలం కదలకుండా విశ్రాంతి తీసుకోవాల్సి వస్తున్నట్లు తెలుస్తోంది.

ఈ సందర్భంగా ప్రియ తన అభిమానులు, శ్రేయోభిలాషుల ప్రేమ, ప్రార్థనలు, గుడ్ వైబ్స్ కావాలని కోరారు. ఆమె పోస్ట్‌కు పలువురు సెలబ్రిటీలు స్పందిస్తూ త్వరగా కోలుకోవాలని ఆకాంక్షించారు. బిగ్ బాస్ కంటెస్టెంట్లు శ్వేత, శిల్పాతో పాటు నటి రజిత తదితరులు ప్రియకు ధైర్యం చెప్పారు. సినిమాలు, సీరియల్స్, వెబ్ సిరీస్‌లలో నటిస్తూ గుర్తింపు తెచ్చుకున్న ప్రియ.. ముఖ్యంగా బిగ్ బాస్ తెలుగు సీజన్ 5 తర్వాత మరింత పాపులారిటీ సంపాదించుకున్నారు.