ముకేశ్–వర్షిణి క్లోజ్‌నెస్ లవ్ ట్రాక్‌ ఏనా? లేదా గేమ్ ప్లాన్‌నా?

ముకేశ్ గౌడ ప్రస్తుతం సోషల్ మీడియాలో ట్రెండింగ్‌లో ఉన్నారు. ముఖ్యంగా యాంకర్ వర్షిణితో ఆయనకు పెరుగుతున్న సాన్నిహిత్యం ప్రేక్షకుల దృష్టిని ఆకర్షిస్తోంది. ‘గుప్పెడంత మనసు’ సీరియల్‌తో ఇంటింటికీ పరిచయమైన ముకేశ్‌కు ఇప్పటికే మంచి అభిమానగణం ఉంది. తాజాగా ముకేశ్, వర్షిణి చేతులు పట్టుకుని, ఆప్యాయంగా కనిపిస్తున్న వీడియోలు సోషల్ మీడియాలో వైరల్‌గా మారాయి. దీంతో కొందరు నెటిజన్లు వీరిద్దరి మధ్య కొత్త ప్రేమాయణం మొదలైందని భావిస్తుండగా, మరికొందరు మాత్రం ఇది కేవలం స్క్రీన్ టైమ్ కోసం చేస్తున్న ప్రయత్నమని అభిప్రాయపడుతున్నారు.

మరోవైపు, ముకేశ్ హౌస్‌లో తన గేమ్‌తోనూ, ఇతర మహిళా కంటెస్టెంట్లతో సరదాగా వ్యవహరిస్తూ కూడా వార్తల్లో నిలుస్తున్నారు. ఎక్కువ కాలం హౌస్‌లో కొనసాగేందుకు ఇది వ్యూహాత్మక ఆటనా, లేక సహజంగానే ఆయన అలా వ్యవహరిస్తున్నారా అనే చర్చ జరుగుతోంది. ఇదిలా ఉండగా, వీకెండ్ ఎపిసోడ్‌లో అక్కినేని నాగార్జున మరోసారి హోస్ట్‌గా బాధ్యతలు చేపట్టి, హౌస్‌లో కంటెస్టెంట్ల ప్రవర్తన, ఆట తీరుపై ప్రశ్నలు సంధించనున్నారు.