ఫిఫా ప్రపంచకప్‌లో భారత్ ఎందుకు లేదు?.. అసలు కారణం ఇదే!

ఫిఫా ప్రపంచకప్ 2026 ఆసియా క్వాలిఫయర్స్‌లో భారత ఫుట్‌బాల్ జట్టు ఆశించిన ఫలితాలను సాధించలేకపోయింది. భారత్ ఖతార్, కువైట్, ఆఫ్ఘనిస్తాన్ జట్లతో కలిసి ఒకే గ్రూప్‌లో పోటీపడింది. అయితే గ్రూప్ దశలో నిలకడైన ప్రదర్శన చేయడంలో విఫలమైన భారత జట్టు కీలక మ్యాచ్‌లలో పాయింట్లు కోల్పోయింది. దీంతో తదుపరి రౌండ్‌కు అర్హత సాధించే అవకాశాలను కోల్పోయింది.

నిబంధనల ప్రకారం ప్రతి గ్రూప్‌లో మొదటి రెండు స్థానాల్లో నిలిచిన జట్లకే తదుపరి దశకు అర్హత లభిస్తుంది. ఈ గ్రూప్‌లో ఖతార్, కువైట్ జట్లు అద్భుత ప్రదర్శనతో టాప్-2 స్థానాలు దక్కించుకుని ముందంజ వేశాయి. భారత జట్టు మూడో స్థానంలో నిలవడంతో ఫిఫా ప్రపంచకప్ 2026 రేసు నుంచి నిష్క్రమించింది. దీంతో ప్రపంచకప్ వేదికపై భారత జట్టును చూడాలన్న అభిమానుల ఆశలు మరోసారి నెరవేరలేదు.