బాక్సింగ్‌లో భారత్‌కు మరో మెడల్

కామన్వెల్త్ గేమ్స్ 2026లో భారత్‌కు మరో పతకం ఖరారైంది. ఇప్పటికే 12 పతకాలతో మెరుగైన ప్రదర్శన కొనసాగిస్తున్న భారత్‌కు మహిళల బాక్సింగ్ 51 కేజీల విభాగంలో సాక్షి చౌదరి మరో పతకాన్ని ఖాయం చేసింది. క్వార్టర్‌ఫైనల్లో ఉత్తర ఐర్లాండ్‌కు చెందిన కైట్లిన్ ఫ్రయర్స్‌ను 5-0 తేడాతో ఏకపక్షంగా ఓడించి సెమీఫైనల్‌కు చేరిన సాక్షి కనీసం కాంస్య పతకాన్ని ఖాయం చేసుకుంది.

ఆరంభం నుంచే పూర్తి ఆధిపత్యం ప్రదర్శించిన సాక్షి మూడు రౌండ్లలోనూ 5-0 స్కోరుతో విజయం సాధించింది. ఇప్పుడు ఫైనల్ బెర్త్ కోసం సెమీఫైనల్లో కెనడాకు చెందిన అంబర్-జేన్ వాల్‌తో తలపడనుంది. ఇదే సమయంలో మహిళల 70 కేజీల విభాగంలో అరుంధతి చౌదరి, పురుషుల విభాగంలో సచిన్ సివాచ్, అంకుష్ యాదవ్, నరేందర్ బెర్వాల్ కూడా తమ తమ క్వార్టర్‌ఫైనల్ పోటీల్లో బరిలోకి దిగనున్నారు. భారత బాక్సర్ల నుంచి మరిన్ని పతకాలపై ఆశలు పెరిగాయి.