ఫిఫా ప్రపంచకప్‌లో రేసిజం వివాదం..

ఫిఫా ప్రపంచకప్‌లో రేసిజానికి సంబంధించిన వివాదం చర్చనీయాంశంగా మారింది. శ్వేత ఆధిపత్యవాద చిహ్నాన్ని పోలిన సైగ చేశారనే ఆరోపణలతో ఓ వీడియో ఎనలిస్ట్‌పై చర్యలు తీసుకోవాలని ఫిఫా వివక్ష పర్యవేక్షణ బృందం సిఫార్సు చేసింది. కురసావ్-జర్మనీ మ్యాచ్‌కు ముందు అధికారిక ప్రసారంలో ఈ ఘటన చోటుచేసుకున్నట్లు సమాచారం.

ఆస్ట్రేలియాకు చెందిన వీడియో ఎనలిస్ట్ షాన్ ఎవాన్స్ వీడియో విశ్లేషకుల బృందాన్ని పరిచయం చేస్తున్న సమయంలో ‘ఓకే’ సంకేతాన్ని చూపించినట్లు కనిపించారు. ఈ సంకేతం కొన్ని తీవ్రవాద వర్గాలు ఉపయోగించే చిహ్నంగా భావించబడుతుందనే విమర్శలు వచ్చాయి. దీనిపై సమీక్ష నిర్వహించిన ఫిఫా భాగస్వామ్య సంస్థ ఫేర్ నెట్‌వర్క్ ఇలాంటి చర్యలను ఏమాత్రం సహించబోమని స్పష్టం చేసింది. ప్రపంచకప్‌లో ఆయనకు ఇకపై ఎలాంటి బాధ్యతలు ఉండవని తెలిపింది.