టెన్షన్‌ మధ్య పోర్చుగల్‌ క్యాంప్‌ వీడిన రొనాల్డో

డెన్మార్క్‌తో జరగనున్న యూఈఎఫ్ఏ నేషన్స్ లీగ్ మ్యాచ్‌కు ముందు పోర్చుగల్ స్టార్ క్రిస్టియానో రొనాల్డో జాతీయ జట్టు శిబిరాన్ని వీడాడు. కోచ్ జార్జ్ జీసస్ మీడియా సమావేశం అనంతరం, పోర్చుగీస్ ఫుట్‌బాల్ ఫెడరేషన్ అధ్యక్షుడు పెడ్రో ప్రోయెన్నాతో మాట్లాడిన తర్వాత ఈ నిర్ణయం తీసుకున్నట్లు రొనాల్డో సోషల్ మీడియాలో వెల్లడించాడు. తన నిష్క్రమణకు గల కారణాలను తగిన సమయంలో వెల్లడిస్తానని తెలిపాడు.

ఇటీవల నార్వేతో జరిగిన నేషన్స్ లీగ్ మ్యాచ్‌లో రొనాల్డో బెంచ్‌కే పరిమితమయ్యాడు. డెన్మార్క్‌తో మ్యాచ్‌లోనూ రొనాల్డోను తుది జట్టులో ఆడించబోమని జార్జ్ జీసస్ తెలిపారు. అయితే తమ మధ్య ఎలాంటి విభేదాలు లేవని ఆయన స్పష్టం చేశారు. రొనాల్డో క్యాంప్‌ను వీడినట్లు పోర్చుగీస్ ఫుట్‌బాల్ ఫెడరేషన్ ధ్రువీకరించింది.