

టెక్నాలజీ రంగంలో చైనా వేగంగా అభివృద్ధి చెందుతోంది. కృత్రిమ మేధస్సు (ఏఐ), రోబోటిక్స్ వినియోగంలోనూ కొత్త ప్రయోగాలు చేస్తోంది. చైనాలోని గ్వాంగ్డాంగ్ ప్రావిన్స్లో ఉన్న టెక్ హబ్ షెన్జెన్లోని మూడు పోస్టల్ సెంటర్లలో అత్యాధునిక ఏఐ రోబోలను విధుల్లోకి తీసుకొచ్చారు. ఈ రోబోలు రాత్రి వేళల్లో నైట్ షిఫ్ట్లు నిర్వహిస్తూ పార్సిళ్లను వేరు చేసే పనిలో చురుగ్గా పనిచేస్తున్నాయి. ఒక్కో రోబో గంటకు సుమారు 1,000 నుంచి 1,200 పార్సిళ్లను సార్టింగ్ చేస్తున్నట్లు సమాచారం.
పోస్టల్ సెంటర్ మేనేజర్ వెల్లడించిన వివరాల ప్రకారం.. ఈ రోబోలు పార్సిళ్లను అత్యంత కచ్చితత్వంతో వేరు చేస్తున్నాయి. రాత్రి వేళల్లోనూ సమర్థంగా పనిచేస్తుండటంతో పోస్టల్ కార్యకలాపాలు వేగవంతం కావడమే కాకుండా, ఉద్యోగుల పనిభారం తగ్గే అవకాశం ఉంది. లాజిస్టిక్స్, పార్సిల్ నిర్వహణ వంటి రంగాల్లో ఏఐ, ఆటోమేషన్ వినియోగాన్ని చైనా మరింత విస్తరిస్తోందనడానికి ఈ పరిణామం నిదర్శనంగా నిలుస్తోంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!