జోయ్ అలుక్కాస్ జన్మదిన వేడుకల్లో సేవా సందేశం

దేశవ్యాప్తంగా దాతృత్వ, సేవా కార్యక్రమాల కోసం రూ.100 కోట్లను కేటాయించినట్లు జోయాలుక్కాస్ గ్రూప్ ప్రకటించింది. ఆర్థికంగా, సామాజికంగా వెనుకబడిన వర్గాలకు గృహ నిర్మాణం, బాలికల విద్య, మహిళా సాధికారత, పర్యావరణ పరిరక్షణ, వృద్ధులకు సహాయం వంటి పలు కార్యక్రమాలకు ఈ నిధులను వినియోగించనున్నారు. జోయాలుక్కాస్ గ్రూప్ వ్యవస్థాపకుడు, చైర్మన్ జోయ్ అలుక్కాస్ 70వ జన్మదినాన్ని పురస్కరించుకుని ఈ కార్యక్రమాన్ని ప్రారంభించారు. కేరళ ముఖ్యమంత్రి వీడీ సతీశన్ ఈ దాతృత్వ కార్యక్రమాలను లాంఛనంగా ప్రారంభించారు.

ఇప్పటికే పలు ఛారిటబుల్ ప్రాజెక్టుల కింద తమ గ్రూప్ కోట్లాది రూపాయలు ఖర్చు చేసిందని జోయ్ అలుక్కాస్ తెలిపారు. రానున్న రోజుల్లో మరింత మందికి సేవలందించాలనే లక్ష్యంతో తాజాగా రూ.100 కోట్లను కేటాయించినట్లు వెల్లడించారు. ఈ నిధుల ద్వారా సమాజంలోని వెనుకబడిన వర్గాలకు మరింత చేరువై, వారి జీవన ప్రమాణాలను మెరుగుపరిచేందుకు కృషి చేయనున్నట్లు గ్రూప్ పేర్కొంది.