హైదరాబాద్‌లో డోర్‌డాష్ టాలెంట్ హబ్ ప్రారంభం

అమెరికాకు చెందిన స్థానిక వాణిజ్య వేదిక డోర్‌డాష్ హైదరాబాద్‌లో టాలెంట్ హబ్‌ను ప్రారంభించింది. భారత్‌లో సంస్థకు ఇదే తొలి కార్యాలయం. బుధవారం తెలంగాణ ఐటీ, పరిశ్రమల శాఖ మంత్రి డీ. శ్రీధర్ బాబు, డోర్‌డాష్ ఆర్థిక విభాగం అధికారి రవి ఇనుకొండ, సీనియర్ డైరెక్టర్ జెన్నా కోహెన్‌కే కలిసి ఈ టాలెంట్ హబ్‌ను ప్రారంభించారు.

కొత్త కేంద్రం కోసం ఇప్పటికే 200 మంది నిపుణులను నియమించుకున్నామని, డిసెంబరు నాటికి మరో 300 మందిని నియమించుకోనున్నట్లు జెన్నా తెలిపారు. వచ్చే రెండేళ్లలో హైదరాబాద్ కేంద్రంలోని మొత్తం ఉద్యోగుల సంఖ్యను 3,000కు పెంచాలని లక్ష్యంగా పెట్టుకున్నట్లు చెప్పారు. ప్రపంచవ్యాప్తంగా డోర్‌డాష్‌లో ప్రస్తుతం 31,500 మంది ఉద్యోగులు ఉన్నట్లు వెల్లడించారు.