బీబీకే గ్రూప్‌లో వన్‌ప్లస్–రియల్‌మీ విలీనం?

చైనాకు చెందిన ప్రముఖ స్మార్ట్‌ఫోన్‌ కంపెనీ వన్‌ప్లస్, రియల్‌మీతో విలీనం కానున్నట్లు సమాచారం. ఈ రెండు కంపెనీలు బీబీకే ఎలక్ట్రానిక్స్ గ్రూప్‌కు చెందినవే కాగా, రియల్‌మీ ఇప్పటికే ఒప్పోకు సబ్‌బ్రాండ్‌గా కొనసాగుతోంది. ఖర్చులను తగ్గించడం, నిర్వహణను సమర్థవంతంగా చేయడం కోసం ఈ నిర్ణయం తీసుకున్నట్లు తెలుస్తోంది.

విబోలో టెక్‌ టిప్‌స్టర్‌ డిజిటల్‌ చాట్‌ స్టేషన్ వెల్లడించిన వివరాల ప్రకారం, చైనా మాత్రమే కాకుండా గ్లోబల్‌ వన్‌ప్లస్‌ ఆపరేషన్లు కూడా రియల్‌మీలో విలీనం కానున్నాయి. ఈ కొత్త వ్యవస్థకు పీట్ లౌ నాయకత్వం వహిస్తారు. మార్కెటింగ్‌, సర్వీసులు, ఉత్పత్తుల అభివృద్ధి ఒకే మేనేజ్‌మెంట్ కింద కొనసాగుతాయి. అయినప్పటికీ వన్‌ప్లస్‌, రియల్‌మీ బ్రాండ్‌లు తమ పేర్లతోనే మార్కెట్లో కొనసాగుతాయి.