ఏపీలో రాయితీపై ఉల్లి విక్రయాలు

ఉల్లి ధరలు పెరుగుతున్న నేపథ్యంలో వినియోగదారులకు ఊరట కల్పించేందుకు ఆంధ్రప్రదేశ్ ప్రభుత్వం రాయితీపై కిలో ఉల్లిని రూ.35కే విక్రయిస్తోంది. తొలిదశలో విజయవాడలోని రైతుబజార్లలో ఈ విక్రయాలను ప్రారంభించారు. విజయవాడ ఏపీఐఐసీ రైతుబజార్‌లో ఈ కార్యక్రమాన్ని లాంఛనంగా ప్రారంభించారు.

ఈ పథకం కింద ప్రతి కుటుంబానికి నెలకు రెండు కిలోల చొప్పున రాయితీ ఉల్లిని అందించనున్నారు. ఉల్లి కొనుగోలు చేసేందుకు ఆధార్ కార్డు లేదా రేషన్ కార్డును చూపించాల్సి ఉంటుంది. విజయవాడలో ప్రజల నుంచి వచ్చే స్పందన, డిమాండ్‌ను బట్టి రాష్ట్రంలోని ఇతర రైతుబజార్లకు కూడా ఈ విక్రయాలను విస్తరించాలని ప్రభుత్వం భావిస్తోంది.