ఏపీలో పట్టణ స్థానిక సంస్థల ఎన్నికలు పూర్తి.. నాలుగు పోలింగ్ కేంద్రాల్లో రీపోలింగ్‌కు ఆదేశాలు

చెదురుమదురు ఘటనలు మినహా ఆంధ్రప్రదేశ్‌లో పట్టణ స్థానిక సంస్థల ఎన్నికల పోలింగ్ ముగిసింది. జిల్లా కలెక్టర్లు, ఎస్పీలు సమర్పించిన నివేదికలను పరిశీలించిన రాష్ట్ర ఎన్నికల కమిషనర్ అనిల్ చంద్ర పునేఠా మూడు ప్రాంతాల్లోని నాలుగు పోలింగ్ కేంద్రాల్లో రీపోలింగ్ నిర్వహించాలని ఆదేశించారు. పల్నాడు జిల్లా మాచర్ల మున్సిపాలిటీ పరిధిలోని 23వ వార్డులో రెండు పోలింగ్ కేంద్రాలు, ప్రకాశం జిల్లా చీమకుర్తి 14వ వార్డులో ఒక కేంద్రం, అనంతపురం నగరపాలక సంస్థ 30వ డివిజన్‌లోని మరో కేంద్రంలో తిరిగి పోలింగ్ జరగనుంది.

ఈ నాలుగు కేంద్రాల్లో సోమవారం ఉదయం 7 గంటల నుంచి సాయంత్రం 5 గంటల వరకు రీపోలింగ్ నిర్వహించనున్నట్లు ఎస్‌ఈసీ వెల్లడించారు. మరోవైపు రాష్ట్రవ్యాప్తంగా 92 పట్టణ స్థానిక సంస్థలకు సంబంధించిన ఓట్ల లెక్కింపు ఈ నెల 3న జరగనుంది. ఇందుకు సంబంధించి ఎన్నికల అధికారులు అవసరమైన ఏర్పాట్లు చేస్తున్నారు.