వేలంలో భారీ ధర పలికిన బాలాపూర్ లడ్డూ

హైదరాబాద్‌లో ప్రసిద్ధి చెందిన బాలాపూర్ గణేశ్ లడ్డూ ప్రసాదం ఈసారి వేలంలో రికార్డు స్థాయిలో రూ.39 లక్షల ధర పలికింది. వనస్థలిపురం సాహెబ్‌నగర్‌కు చెందిన 35 ఏళ్ల వ్యాపారవేత్త, ఆర్భన్ రియాలిటీ గ్రూప్ అధినేత సామ ప్రణీత్ రెడ్డి ఈ వేలంలో పాల్గొని రూ.39 లక్షలకు పవిత్ర బాలాపూర్ గణేశ్ లడ్డూను సొంతం చేసుకున్నారు. గతేడాది ఈ లడ్డూ రూ.35 లక్షలకు వేలం కావడం గమనార్హం.

వనస్థలిపురానికి చెందిన సామ ప్రణీత్ రెడ్డి ఇటీవల అమెరికా నుంచి హైదరాబాద్‌కు తిరిగి వచ్చి ‘ఆర్భన్ గ్రూప్స్’ పేరుతో తన వ్యాపారాన్ని ప్రారంభించారు. చిన్న వయస్సులోనే ప్రతిష్టాత్మకమైన బాలాపూర్ గణేశ్ లడ్డూ ప్రసాదాన్ని వేలంలో సొంతం చేసుకున్నారు. ఈసారి లడ్డూ ధర గతేడాదితో పోలిస్తే రూ.4 లక్షలు పెరగడం విశేషం.