ఢిల్లీ నిరసనలతో కాక్రోచ్ జనతా పార్టీ ఉద్యమంలో కొత్త మలుపు

ఢిల్లీలో అక్టోబర్ 10న నిర్వహించిన నిరసన సందర్భంగా ఆందోళనకారులను అదుపులోకి తీసుకోవడంతో తమ పార్టీ ఉద్యమం కొత్త మలుపు తిరిగిందని కాక్రోచ్ జనతా పార్టీ (సీజేపీ) నాయకుడు అశుతోష్ రంకా తెలిపారు. మీడియా సమావేశంలో మాట్లాడిన ఆయన, ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)లో అక్రమాలు జరిగాయన్న ఆరోపణలపై ప్రధాన ఎన్నికల కమిషనర్‌ జ్ఞానేశ్‌ కుమార్‌ను ప్రశ్నించడమే తమ ఉద్యమం ప్రారంభ లక్ష్యమని వివరించారు.

అయితే, నిరసనల్లో పాల్గొన్న వేలాది మందిని అదుపులోకి తీసుకోవడంతో తమ వ్యతిరేకత ప్రధానమంత్రి నరేంద్ర మోదీ, కేంద్ర హోంమంత్రి అమిత్ షా వరకు విస్తరించిందని రంకా పేర్కొన్నారు. జంతర్ మంతర్ వద్ద నిరసనకు ముందే సీజేపీ నాయకులతో పాటు పలువురు ప్రతిపక్ష నేతలను పోలీసులు అదుపులోకి తీసుకున్నారు. శాంతియుత నిరసనలను అణచివేస్తున్నారని పార్టీ ఆరోపిస్తూ, పోలీసుల చర్యకు బాధ్యత వహించాలని డిమాండ్ చేస్తోంది.