స్వర్ణ పతక విజేతలకు సీఎం విజయ్ భారీ నజరానా

ఆసియా క్రీడల్లో స్వర్ణ పతకాలు సాధించిన భారత క్రికెట్‌ జట్లలోని కీలక సభ్యులు వాషింగ్టన్‌ సుందర్‌, జి. కమలినికి తమిళనాడు ముఖ్యమంత్రి సి. జోసఫ్‌ విజయ్‌ రూ.75 లక్షల చొప్పున నగదు బహుమతి అందించారు. పురుషుల క్రికెట్‌ జట్టులో కీలక సభ్యుడైన వాషింగ్టన్‌ సుందర్‌తో పాటు, మహిళల జట్టులో కీలక సభ్యురాలైన జి. కమలినికి కూడా ఇదే నగదు ప్రోత్సాహకాన్ని అందించారు. ఆసియా క్రీడల్లో భారత మహిళల, పురుషుల క్రికెట్‌ జట్లు స్వర్ణం సాధించిన వెంటనే సీఎం విజయ్‌ ఈ నగదు బహుమతిని ప్రకటించారు.

మహిళల క్రికెట్‌ ఫైనల్లో భారత్‌ 147 పరుగుల తేడాతో శ్రీలంకను ఓడించి స్వర్ణ పతకాన్ని సొంతం చేసుకుంది. పురుషుల విభాగంలో చిరకాల ప్రత్యర్థి పాకిస్థాన్‌పై విజయం సాధించి టీమిండియా స్వర్ణ పతకాన్ని గెలుచుకుంది. గత ఆసియా క్రీడల్లోనూ స్వర్ణ పతకాలు సాధించిన భారత మహిళల, పురుషుల జట్లు.. ఈసారి కూడా తమ టైటిళ్లను విజయవంతంగా నిలబెట్టుకున్నాయి.