సీఎం రేవంత్‌రెడ్డి డీప్‌ఫేక్ వీడియో కేసులో సైబరాబాద్ సైబర్ క్రైం కేసు నమోదు

తెలంగాణ ముఖ్యమంత్రి రేవంత్‌రెడ్డి చిత్రాన్ని డిజిటల్‌గా మార్ఫింగ్ చేసి, ఆయన ప్రసంగించినట్లు అసత్య వీడియోను సృష్టించి సోషల్ మీడియాలో పోస్టు చేసిన ఘటనపై సైబరాబాద్ సైబర్ క్రైం పోలీసులు కేసు నమోదు చేశారు. ప్రజలను తప్పుదోవ పట్టించేలా ఈ వీడియో రూపొందించినట్లు అధికారులు గుర్తించారు.

సైబర్ క్రైం ఎస్సై పి. జయప్రకాశ్ ఇన్‌స్టాగ్రామ్ రీల్స్ పరిశీలిస్తున్న సమయంలో ఈ వీడియోను గుర్తించారు. ఆ వీడియోలో ఉన్న అసత్య వ్యాఖ్యలు శాంతిభద్రతలకు భంగం కలిగించే అవకాశం ఉందని అధికారులు తెలిపారు. ఫిర్యాదు ఆధారంగా కేసు నమోదు చేసి, వీడియో రూపొందించినవారిపై దర్యాప్తు ప్రారంభించారు.