ప్రపంచంలోనే అతిపెద్ద రక్షణ కేంద్రాన్ని ప్రారంభించిన ఈజిప్టు

ప్రపంచంలోనే అతిపెద్ద రక్షణ ప్రధాన కార్యాలయంగా గుర్తింపు పొందిన ఆక్టగాన్‌ను ఈజిప్టు ప్రారంభించింది. కైరో సమీపంలో సుమారు 22 వేల ఎకరాల విస్తీర్ణంలో నిర్మించిన ఈ భారీ సముదాయం దేశ రక్షణ వ్యవస్థలో కీలక కేంద్రంగా పని చేయనుంది.

ఈజిప్టు సాయుధ దళాలకు కేంద్రీకృత సైనిక, రక్షణ ప్రధాన కార్యాలయంగా ఆక్టగాన్ సేవలందించనుంది. అన్ని ప్రధాన రక్షణ విభాగాలను ఒకే వేదికపై సమన్వయం చేస్తూ సైనిక ప్రణాళిక, నిర్వహణ, భద్రతా కార్యకలాపాలను మరింత సమర్థవంతంగా నిర్వహించేలా దీనిని రూపొందించారు.