

కోనసీమ జిల్లా మామిడికుదురు మండలం నగరం గ్రామ సమీపంలోని తాడివారి మెరక ఓఎన్జీసీ రీడ్రిల్లింగ్ పాయింట్ వద్ద మంగళవారం తెల్లవారుజామున గ్యాస్ బ్లోఅవుట్ జరిగింది. అక్కడి నుంచి సీఎన్జీ గ్యాస్ లీకై చుట్టుపక్కల గ్రామాల వైపు వ్యాపిస్తుండటంతో స్థానికులు ఆందోళనకు గురయ్యారు. సమాచారం అందుకున్న అధికారులు వెంటనే ఘటనాస్థలానికి చేరుకుని లీకేజీని అదుపు చేసేందుకు చర్యలు చేపట్టారు. ముందు జాగ్రత్తగా పరిసర ప్రాంతాల్లోని ప్రజలను సురక్షిత ప్రాంతాలకు తరలిస్తున్నారు.
బ్లోఅవుట్ను నియంత్రించేందుకు నరసాపురం నుంచి ప్రత్యేక కంట్రోల్ బృందం నగరం గ్రామానికి బయల్దేరింది. గ్యాస్ బావి వద్ద మంటలు వ్యాపించకుండా ఫైర్ సిబ్బంది ప్రయత్నిస్తున్నారు. ఇందుకోసం బ్లోఅవుట్ ప్రాంతం చుట్టూ వాటర్ అంబ్రెల్లా ఏర్పాటు చేశారు. ఘటన నేపథ్యంలో 216వ జాతీయ రహదారి బైపాస్పై వాహనాల రాకపోకలను నిలిపివేశారు. గ్యాస్ లీకేజీని పూర్తిగా అదుపులోకి తీసుకొచ్చేందుకు అధికారులు చర్యలు కొనసాగిస్తున్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!