ఆలయ భద్రతపై ప్రశ్నలు లేవనెత్తిన ఘటన

అయోధ్య రామ మందిరంలో జరిగిన విరాళాల దొంగతనం కేసులో అవినాష్ శుక్లా కీలక నిందితుడిగా గుర్తించబడ్డాడు. రూ.15 వేల జీతంతో నగదు విరాళాలను లెక్కించే పనిలో చేరిన అతడు, సుమారు 70 సార్లు విరాళాలను దొంగిలించినట్లు విచారణలో వెల్లడైంది. ఈ కేసులో అన్‌కల్ప్ మిశ్ర, లవ్‌కుష్ మిశ్ర, కరుణేష్ పాండేలు అతనికి సహకరించినట్లు సిట్ అధికారులు సీసీటీవీ ఆధారంగా నిర్ధారించారు.

భక్తుల నుండి విరాళాలను అక్రమంగా సేకరించేందుకు నిందితులు నకిలీ రశీదులను తయారు చేసినట్లు వెల్లడైంది. ఈ ఫోర్జరీ రశీదుల ద్వారా డబ్బులు సేకరించినట్లు అన్‌కల్ప్ మిశ్ర, లవ్‌కుష్ మిశ్ర, కరుణేష్ పాండే, టిన్నూ యాదవ్ అంగీకరించారు. ఈ ఘటన ఆలయ భద్రతా వ్యవస్థలపై తీవ్ర ప్రశ్నలు లేవనెత్తుతోంది.