కాంగ్రెస్‌ను వీడేది లేదు - కొండా మురళి

డిప్యూటీ సీఎం భట్టి విక్రమార్కతో భేటీ అనంతరం కొండా మురళి కీలక వ్యాఖ్యలు చేశారు. తాను కాంగ్రెస్ పార్టీని వీడే ప్రసక్తే లేదని స్పష్టం చేశారు. కాంగ్రెస్ అగ్రనేతలు రాహుల్ గాంధీ, సోనియా గాంధీ అంటే తనకు ఎంతో గౌరవమని తెలిపారు. భట్టితో భేటీలో రాజకీయ అంశాలపై కాకుండా యోగక్షేమాలు మాత్రమే మాట్లాడుకున్నామని చెప్పారు.

ఇటీవల చర్చనీయాంశంగా మారిన సుస్మిత వివాదంతో తనకు ఎలాంటి సంబంధం లేదని కొండా మురళి పేర్కొన్నారు. ఆ వివాదంపై తాను మాట్లాడబోనని స్పష్టం చేశారు. తన కుమార్తె సుస్మిత భవిష్యత్‌ ప్రణాళికలు తనకు ఎలా తెలుస్తాయని ప్రశ్నించారు. ఆమె ప్లాన్‌ ఏలో ఏం మాట్లాడిందో తెలుసని, ప్లాన్‌ బీలో ఏం చేస్తుందో తనకు తెలియదని వ్యాఖ్యానించారు.