బోనాల జాతరకు సిద్ధమైన లాల్‌దర్వాజా

లాల్‌దర్వాజా సింహవాహిని మహంకాళి అమ్మవారి బోనాలు నేడు ఘనంగా నిర్వహించనున్నారు. ఈ సందర్భంగా అమ్మవారిని దర్శించుకునేందుకు సుమారు 5 లక్షల మంది భక్తులు తరలివచ్చే అవకాశం ఉందని అధికారులు అంచనా వేస్తున్నారు. భక్తులకు ఎలాంటి ఇబ్బందులు కలగకుండా ఏర్పాట్లు చేస్తున్నారు.

భారీగా తరలివచ్చే భక్తులను దృష్టిలో పెట్టుకుని 6 ప్రత్యేక క్యూ లైన్లు ఏర్పాటు చేశారు. బోనం తీసుకొచ్చే భక్తుల కోసం ప్రత్యేకంగా మరో క్యూ లైన్‌ను ఏర్పాటు చేశారు. భక్తుల రద్దీని నియంత్రిస్తూ సజావుగా దర్శనం జరిగేలా అధికారులు చర్యలు చేపట్టారు.