తెలంగాణతో వ్యూహాత్మక భాగస్వామ్యానికి లివర్‌పూల్ ఆసక్తి

లండన్‌లో తెలంగాణ ముఖ్యమంత్రి రేవంత్ రెడ్డిని లివర్‌పూల్ సిటీ డెవలప్‌మెంట్ విభాగానికి చెందిన సుసాన్ ఫిన్నెగాన్, నూలా గల్లాఘర్‌తో పాటు లివర్‌పూల్ ఫుట్‌బాల్ క్లబ్‌కు చెందిన పలువురు ప్రతినిధులు మర్యాదపూర్వకంగా కలిశారు.

ఈ సందర్భంగా లైఫ్ సైన్సెస్, టెక్నాలజీ, క్రీడలు, సృజనాత్మక ఆర్థిక వ్యవస్థ వంటి కీలక రంగాల్లో తెలంగాణతో వ్యూహాత్మక భాగస్వామ్యం ఏర్పాటు చేసేందుకు లివర్‌పూల్ ఆసక్తి వ్యక్తం చేసింది. ఈ భాగస్వామ్యం ద్వారా ఆయా రంగాల్లో పరస్పర సహకారం, అవకాశాలను మరింత బలోపేతం చేయాలని భావిస్తున్నారు.

ప్రతిపాదిత భాగస్వామ్యాన్ని అధికారికంగా ఖరారు చేసేందుకు లివర్‌పూల్ ప్రతినిధి బృందం అక్టోబర్‌లో హైదరాబాద్‌ను సందర్శించనుంది. ఈ పర్యటనలో భాగస్వామ్యానికి సంబంధించిన తదుపరి చర్చలు జరిగే అవకాశం ఉంది.