నాగరాజు సంచలన ఆరోపణలు

సాయికృష్ణ లాకప్ డెత్ కేసులో సస్పెండ్ అయిన సీఐ నాగరాజు వీడియో కాన్ఫరెన్స్ ద్వారా న్యాయాధికారి ఎదుట హాజరై పలు కీలక వ్యాఖ్యలు చేశారు. తనను ఈ కేసులో నేరాన్ని ఒప్పుకునేలా బలవంతం చేస్తున్నారని, అకారణంగా కేసులో ఇరికించేందుకు కుట్ర జరుగుతోందని ఆరోపించారు. గతంలో స్పెషల్ ఇన్వెస్టిగేషన్ టీమ్ (సిట్) విచారణకు పూర్తిగా సహకరించానని, తన వద్ద ఉన్న సమాచారాన్ని మొత్తం అధికారులకు అందజేశానని పేర్కొన్నారు.

అలాగే, కస్టడీలో తన ప్రాణాలకు ముప్పు ఉందని కోర్టు దృష్టికి తీసుకెళ్లారు. ఈ ఆరోపణలను లిఖితపూర్వకంగా సమర్పించాలని నాగరాజును న్యాయస్థానం ఆదేశించింది. ఇదే కేసులో నాగరాజును 12 రోజుల కస్టడీకి ఇవ్వాలని సిట్ అధికారులు కోర్టును కోరగా, దీనిపై విచారణ కొనసాగుతోంది.