ఓటర్ కార్డు కావాలంటే.. ఇక ఈ వివరాలు తప్పనిసరి!

SIR 2026 ముసాయిదా ఓటరు జాబితా సవరణలో భాగంగా కొత్త ఓటర్ల నమోదుకు ఎన్నికల సంఘం మరింత కఠిన నిబంధనలను అమలు చేయడానికి సిద్ధమవుతోంది. కొత్తగా ఓటరుగా నమోదు కావాలనుకునే వారు గత ఓటరు జాబితాలో తమ పేరు లేదా బంధువు పేరు ఉండే వివరాలను సమర్పించాలి. అందులో నియోజకవర్గం, పార్ట్ నంబర్, సీరియల్ నంబర్ వంటి వివరాలు తప్పనిసరిగా ఇవ్వాల్సి ఉంటుంది.

అదనంగా, ఫారం-6తో పాటు స్వీయ ధ్రువీకరణ పత్రాన్ని కూడా సమర్పించడం తప్పనిసరి కానుంది. ఈ చర్యలతో ఓటరు జాబితాలో పారదర్శకత పెరగడంతో పాటు అక్రమ నమోదులను నియంత్రించవచ్చని అధికారులు భావిస్తున్నారు. SIR 2026 ప్రక్రియ పూర్తైన తర్వాత కూడా ఈ నిబంధనలను కొనసాగించే అవకాశమున్నట్లు సమాచారం.