కేరళలో వర్ష బీభత్సం...

కేరళలో భారీ వర్షాలు, వరదలు, కొండచరియలు విరిగిపడటంతో పరిస్థితి తీవ్రంగా మారింది. ఇప్పటివరకు 15 మంది మృతి చెందినట్లు సమాచారం. పలు జిల్లాలు తీవ్రంగా ప్రభావితమయ్యాయి. రహదారులు దెబ్బతినడంతో సహాయక బృందాలు రంగంలోకి దిగి, చిక్కుకున్న ప్రజలను సురక్షిత ప్రాంతాలకు తరలిస్తున్నాయి. భారీ వర్షాలు కొనసాగనున్న నేపథ్యంలో ప్రజలు అప్రమత్తంగా ఉండాలని, అత్యవసరం కాని ప్రయాణాలను నివారించాలని అధికారులు సూచించారు.

ఇదే సమయంలో మలప్పురంలో ముఖ్యమంత్రి వి.డి. సతీశన్‌ ప్రైవేట్‌ కార్యక్రమంలో పాల్గొన్న దృశ్యాలు వైరల్‌ కావడంతో రాజకీయ వివాదం మొదలైంది. విపక్షాలు విపత్తు సమయంలో సీఎం సహాయక చర్యల్లో ప్రత్యక్షంగా ఉండాల్సిందని విమర్శించాయి. అయితే ప్రభుత్వం మాత్రం సీఎం అధికారులతో నిరంతరం సమన్వయం చేస్తున్నారని, సహాయక చర్యలు ఎలాంటి ఆటంకం లేకుండా కొనసాగుతున్నాయని స్పష్టం చేసింది.