అమెరికా నార్త్ కరోలినాలో కాల్పుల కలకలం

అమెరికాలోని నార్త్ కరోలినా రాష్ట్రంలో మరోసారి కాల్పుల ఘటన కలకలం రేపింది. ప్రాస్పెక్ట్ హిల్ కమ్యూనిటీలో జరిగిన ఈ కాల్పుల్లో ఒకే కుటుంబానికి చెందిన ముగ్గురు మృతి చెందగా, మరో వ్యక్తి తీవ్రంగా గాయపడ్డాడు. సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిస్థితిని అదుపులోకి తీసుకున్నారు.

గాయపడిన వ్యక్తిని అత్యవసర చికిత్స కోసం సమీప ఆస్పత్రికి తరలించారు. ఘటనకు గల కారణాలపై పోలీసులు దర్యాప్తు ప్రారంభించారు. నిందితుడి వివరాలు, కాల్పులకు దారితీసిన పరిస్థితులపై విచారణ కొనసాగుతోందని అధికారులు తెలిపారు.