రాజ్యసభలో దక్షిణాది డ్రెస్సింగ్ స్టైల్‌కు తీవ్ర అవమానం

రాజ్యసభలో కేరళ ఎంపీ జాన్ బ్రిట్టాస్ ప్రసంగిస్తున్న సమయంలో ‘లుంగీవాలా’ అంటూ అవమానకరంగా వ్యాఖ్య చేసినట్లు ఆరోపణలు రావడంతో వివాదం నెలకొంది. ఈ వ్యాఖ్యలు బీజేపీ ఎంపీ సుస్మితా దేవ్ చేసినట్లు సమాచారం. దక్షిణ భారతదేశ సంప్రదాయ దుస్తులపై అవమానకరంగా మాట్లాడటాన్ని బ్రిట్టాస్ తప్పుపట్టారు. ఈ ఘటనపై ఆయన ప్రివిలేజ్ మోషన్ కూడా ఇచ్చారు.

ఈ వ్యవహారంపై రాజ్యసభ ఛైర్మన్ అసహనం వ్యక్తం చేసినట్లు సమాచారం. అయితే, సుస్మితా దేవ్ ఇప్పటివరకు క్షమాపణలు చెప్పలేదని తెలుస్తోంది. పార్లమెంట్‌లో వ్యక్తిగత, ప్రాంతీయ అంశాలను ప్రస్తావించడంపై ఈ ఘటన విమర్శలకు దారి తీసింది. సుస్మితా దేవ్ ఇటీవల తృణమూల్ కాంగ్రెస్‌ను వీడి బీజేపీలో చేరారు.