కాంగ్రెస్‌ వ్యూహకర్తగా సునీల్‌ కనుగోలు కొనసాగింపు

కాంగ్రెస్ పార్టీ ఎన్నికల వ్యూహాన్ని సునీల్ కనుగోలు బృందమే కొనసాగించనుంది. ప్రస్తుతం ఆయన బృందం పంజాబ్, గోవాలో ఎన్నికలకు సంబంధించిన వ్యూహాత్మక పనుల్లో నిమగ్నమై ఉంది. రానున్న ఎన్నికలను దృష్టిలో ఉంచుకుని కాంగ్రెస్ పార్టీ తన ప్రస్తుత ఎన్నికల వ్యూహ బృందంపైనే ఆధారపడుతోంది.

తమిళనాడులో టీవీకే అధినేత విజయ్‌ ప్రచార వ్యూహం వెనుక పనిచేస్తున్న జాన్ అరోకియసామిని కాంగ్రెస్‌లోకి తీసుకురానున్నారంటూ వస్తున్న వార్తలను పలువురు సీనియర్ కాంగ్రెస్ నేతలు ఖండించారు. ఆ వార్తల్లో ఎలాంటి నిజం లేదని, జాన్ అరోకియసామిని పార్టీలోకి తీసుకురావాలనే నిర్ణయం ఏదీ లేదని వారు స్పష్టం చేశారు.