అమెరికా EB-5 గ్రీన్‌కార్డ్‌ దరఖాస్తు ఫీజులకు భారీ పెంపు..

అమెరికాలో శాశ్వత నివాసం పొందేందుకు విదేశీ ఇన్వెస్టర్లకు అవకాశం కల్పించే EB-5 ఇమ్మిగ్రెంట్ ఇన్వెస్టర్ ప్రోగ్రామ్లో పలు దరఖాస్తుల ఫీజులను పెంచనున్నట్లు సమాచారం. నవంబర్ 30 నుంచి కొత్త రుసుములు అమల్లోకి రానున్నట్లు పేర్కొంటున్నారు. దరఖాస్తుల ప్రాసెసింగ్, బ్యాక్‌గ్రౌండ్‌ తనిఖీలు, అర్హత నిర్ధారణ, మోసాలను గుర్తించడం వంటి ప్రక్రియల వ్యయాలను భరించేందుకు USCIS ఫీజులను నిర్ణయిస్తుంది. USCIS

కొత్త రుసుముల పెంపు I-526, I-526E, I-829, I-956F వంటి ఫారమ్‌లను ప్రభావితం చేయనుంది. EB-5 కింద అర్హత సాధించేందుకు పెట్టుబడిదారులు నిర్దేశిత అమెరికా వ్యాపారాల్లో పెట్టుబడి పెట్టడంతో పాటు కనీసం 10 ఫుల్‌టైమ్ ఉద్యోగాల సృష్టికి సంబంధించిన నిబంధనలను పాటించాలి. పెట్టుబడి మొత్తాలు, దరఖాస్తు ఫీజులు వేర్వేరు అంశాలు కావడంతో దరఖాస్తు చేసుకునే ముందు USCIS తాజా ఫీజు షెడ్యూల్‌ను పరిశీలించడం అవసరం. భారతీయుల నుంచి EB-5కు డిమాండ్ పెరుగుతున్న నేపథ్యంలో ఫీజుల పెంపు వారికి అదనపు ఖర్చుగా మారే అవకాశం ఉంది.