బెర్క్‌షైర్ హ్యాత్‌వేలో కీలక మార్పు.. చైర్మన్‌గా వారెన్ బఫెట్ అవుట్!

ప్రపంచ ప్రఖ్యాత పెట్టుబడిదారు వారెన్ బఫెట్ బెర్క్‌షైర్ హ్యాత్‌వే చైర్మన్ పదవి నుంచి తప్పుకున్నారు. సెప్టెంబర్ 18న సంస్థ ప్రకటించిన వివరాల ప్రకారం.. ఆయనను చైర్మన్ ఎమెరిటస్‌గా నియమించగా, ఆయన కుమారుడు హోవర్డ్ జి. బఫెట్‌ను బోర్డు చైర్మన్‌గా ఎన్నుకున్నారు. హోవర్డ్ బఫెట్ 1993 నుంచి బెర్క్‌షైర్ హ్యాత్‌వే డైరెక్టర్‌గా కొనసాగుతున్నారు.

చైర్మన్ పదవి నుంచి తప్పుకున్నప్పటికీ వారెన్ బఫెట్ సంస్థ బోర్డులో డైరెక్టర్‌గా కొనసాగుతూ తన అనుభవం, సూచనలను అందించనున్నారు. 2026లో సీఈఓ బాధ్యతలు చేపట్టిన గ్రెగ్ అబెల్ సంస్థ కార్యకలాపాలకు నాయకత్వం వహిస్తారు. దశాబ్దాల పాటు బెర్క్‌షైర్ హ్యాత్‌వేను నడిపిన బఫెట్.. దానిని భారీ విభిన్న వ్యాపార సంస్థగా అభివృద్ధి చేశారు. తాజా మార్పుతో సంస్థ వారసత్వ ప్రణాళికలో మరో కీలక దశ పూర్తయింది.