ఏపీకి ఎల్లో అలర్ట్ జారీ చేసిన వాతావరణ శాఖ

ఏపీ దక్షిణ కోస్తాలో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. వచ్చే 24 గంటల్లో ఏలూరు, కృష్ణా, ఎన్టీఆర్, బాపట్ల, పల్నాడు, ప్రకాశం జిల్లాలకు ఎల్లో అలర్ట్ జారీ చేసింది. కోస్తాంధ్ర నుంచి తెలంగాణ మీదుగా మధ్య మహారాష్ట్ర వరకు ఉపరితల ద్రోణి విస్తరించిందని అధికారులు తెలిపారు.

ఈశాన్య–తూర్పు మధ్య బంగాళాఖాతంలో ఆవర్తనం ఏర్పడిందని పేర్కొన్నారు. కోస్తా ప్రాంతాల్లో గంటకు 50 కిలోమీటర్ల వేగంతో ఈదురు గాలులు వీస్తున్నాయని వాతావరణ శాఖ వెల్లడించింది.