‘ఫౌజీ’లో అనుపమ్ ఖేర్.. కథను మలుపు తిప్పే పాత్రలో?

రెబల్ స్టార్ ప్రభాస్ ప్రస్తుతం హను రాఘవపూడి దర్శకత్వంలో తెరకెక్కుతున్న ‘ఫౌజీ’ చిత్రంలో నటిస్తున్నారు. ఇందులో ఇమాన్వి హీరోయిన్‌గా కనిపించనుండగా, మైత్రి మూవీ మేకర్స్ ఈ సినిమాను భారీ బడ్జెట్‌తో ప్రతిష్టాత్మకంగా నిర్మిస్తోంది. ఈ చిత్రాన్ని డిసెంబర్ 3న థియేటర్లలో విడుదల చేయనున్నట్లు ఇప్పటికే ప్రకటించారు. అలాగే డిసెంబర్ 2న గ్రాండ్ ప్రీమియర్స్ నిర్వహించనున్నట్లు నిర్మాత రవిశంకర్ గతంలో వెల్లడించారు.

ఇదిలా ఉంటే, ‘ఫౌజీ’కి సంబంధించి ఓ ఆసక్తికరమైన వార్త ప్రస్తుతం వైరల్‌గా మారింది. బాలీవుడ్ సీనియర్ నటుడు అనుపమ్ ఖేర్ ఈ సినిమాలో మహాత్మా గాంధీ పాత్రలో కనిపించనున్నట్లు సమాచారం. కథలో ఈ పాత్రకు ఎంతో ప్రాధాన్యత ఉండనున్నట్లు తెలుస్తోంది. ఇప్పటికే పలు తెలుగు చిత్రాల్లో నటించి ప్రశంసలు అందుకున్న అనుపమ్ ఖేర్.. ‘ఫౌజీ’లో గాంధీ పాత్రలో నటిస్తున్నారనే వార్త నిజమైతే, తెలుగులో ఆయన క్రేజ్ మరింత పెరిగే అవకాశం ఉందని సినీ వర్గాలు భావిస్తున్నాయి.